Туркиялда ккун вуго «Исламияб пачалихъ» гIуцIиялъулгун бухьенал рукIиналда щаклъи вугев 50-гIан чи.
Туркиялъул прессалъ лъазабулеб буго гьел гIадамал ккун ругин Истанбулалда тIоритIарал полициялъул рейдазул хIасилалда.
Киналго ккурал кколин къватIисел улкабаздаса гьенире рачIарал гIадамал. Гьезул хиял букIун буго Туркиялдаса Сириялде ва ГIиракъалде ине.