Лондоналда Украиналъул вакиллъиялъ Oxford University Press басмаханаялде кагъат битIун, жиндирго разилъи гьечIолъи загьирабуна цIалул идарабазе биччараб географиялъул тIехьалъул картабазда Крым – Россиялъул ракьлъун бихьизарун букIиналда.
Крым кколин Украиналул территория, ва 2014 соналда Россиялъ Крымалъул аннексия гьаби какун букIанин жибго КIудияб Британиялъул хIукуматалъ, ян ракIалде щвезабуна Украиналъул илчияс.
Гьелда тIаса баян гьабулаго Oxford University Press басмаханаялъул вакилас абуна, Оксфордалъул университеталъ чIечIого хиса-басиял журалел ругин жидерго тIухьдузулъ киналго хIужаби гIадахъ росун.