Human Rights Watch абулеб инсансул ихтиярал цIунулеб халкъаздагьоркьосеб гIуцIиялъ лъазабуна жиндир рахIат хвезабулеб бугин Россиялда гьарурал кассетиял бомбаби Сириялда рилълъанхъизарун рукIиналъ.
Загьирабураб докладалда абун буго гьадинал бомбаби хIалтIизарун рукIанин 4-билеб октябралда Алеппо шагьаралда аскIоб бугеб Кафр-Халаб абулеб росдал сверухълъиялда гьавадул гьужум гьабулеб мехалдаилан.
ГIагараб Машрикъалъул суалазул рахъалъан Human Rights Watch гIуцIиялъул директор хисулев Надим Аурица абуна, кассетиял бомбаби гIадамазде данде хIалтIизари – халкъаздагьоркьосеб низамалде данде кколареб иш бугин.
2008 соналда хIадур гьабураб конвенциялда гъоркь 108 улкаялъ гъулбасал лъуна. Гьезда гъорлъ - Россия, Сирия, Цолъарал Штатал, СагIудиязул ГIарабия ва цогидал.