Цолъарал Штатазда тIадаб бугин Владимир Путиние таваккалаб дандечIей гьабизе гьес Украиналда ва Сириялда гьарулел ишазухъ, ян лъазабуна талат къоялъ президентасул рищиязда цересел къецазда гIахьаллъулел Демократикияб партиялъул рахъалъан кандидатаз.
Хасго гьадин абуна президентлъиялде кандидатлъун кколей Гьиллари Клинтоница. Цого мехалъ Россия Америкалъе хIинкъи кьолеб улкалъун лъицаниги лъазабичIо. Гьадинаб хIинкъи кьолеб сияхIалда руго Китай, тIолго дунялалъул климаталъул хьинлъи ва кибергьужумал.