Россиялъул къватIисел ишазул министр Сергей Лавровас лъазабуна, Цолъарал Штатазул тIадтараз инкар гьабуна жидерго рагъулаб делегация Москваялде битIиялдаса. Кремлалъул жигар букIана гьениб Сириялъул суал дандбазе.
Гьадинаб жигаргун исана сентябрь моцIалда Нью-Йоркалда цеве вахъана Россиялъул президент Владимир Путин. КIиабилеб галилъун Путинил жигаралда рекъон букIине кколаан Россиялъул премьер-министр Дмитрий Медведевасул бетIерлъуда гъоркь Цолъарал Штатазде хасаб делегация битIи. Лавровас гьединго абуна, Вашингтоналъ гьеб Россиялъул делегация къабул гьабиялдасаги инкар гьабун бугин.