Москваялъул Лефортово диваналъ талат къоялъ изну кьуна Аслан БайсултIанов, Эльман Ашаев ва МохIмад Межилов кквезе. Щакъли буго гьез Москваялда теракт хIадур гьабиялда.
12 декабрь щвезегIан гьез заманалъулаб изоляторалда рукIине руго. БайсултIанов ва Ашаев жидеде гIунтIизабураб гIайибалъе мукIурлъана, ян лъазабулеб буго РИА Новости агентлъиялъ.
ФСБ-ялъул докладалда абун буго гьел гIадамаз теракт хIадур гьабулеб букIанин Сириялда Россиялъ байбихьараб операция гьоркьоса къотIизаби тIалабгун. ФСБ-ялъул бетIер Александр Бортниковас лъазабуна, гIаммаб къадаралда 12 чи ккун вугин гьединаб щаклъи букIун, амма гьав рехсарав лъабгоясде гурони, тIокIав щинасде официалияб гIайиб гIунтIизабун гьечIин.