Ираналъул диваналъ хIукму къотIун буго Ираналъулги Цолъарал Штатазулги гражданавлъун кколев журналист Джейсон Резайанида хурхун. Гьелъул хIакъалъулъ лъазабулеб буго бакIалъулаб прессаялъ диваналъул вакиласул лъазабиялда базабун.
39 сон барав Резайанида шпионажалъул гIайиб гIунтIизабулеб буго. Гьев ккун вукIана цебесеб соналъул июналдаса нахъе. Нагагьлъун гьесде гIунтIизабураб гIайиб тасдикъ гьабуни, гьесие бихьизабизе бегьула туснахъалъул 10-са 20-ялде щвезегIан сон.