Кишиневалда протесталъул акциялъул гIахьалчагIаз къан бунго лъабго къватI ва нухмалъиялъул коалициялде гъорлъе унел партиязул офисал.
Протесталъул лидеразул цояв Молдовалъул социалистазул партиялъул нухмалъулев Игорь Додоница лъазабуна, гьеб акция кколин партиябазе ва гьелъул лидеразе гIадамазухъ гIенеккиялъе гьабулеб лъазабийин.
Модовалъул квагIаб къиго партиялъ – Социалистазул партиялъ ва «Нилъер партиялъ» 25 сентябралдаса тIобитIулеб буго болжал чIезабичIеб протесталъул акция. 300 гIанаб чадир гьез чIван буго парламенталъулги хIукуматалъулги минабазда цере.
Протесталъул гIахьалчагIаз тIалаб гьабулеб буго президентгун хIукумат хъулухъаздаса нахъе лъугьин ва тIолабго халкъ гIахьаллъарал пачалихъалъул бетIерасул ва парламанталъул рищиял, къуватIиял структуразул бутIрул хиси ва банкалъул системаялда кибе ккарабали лъачIого тIагIараб миллиард евро нахъе буссинаби.