Евроцолъиялъ Россиялъулгун «практикиял гьоркьолъаби» цIигIуцIизе кколин ва Цолъарал Штатазе тезе бегьуларин нилъерго политика билъанхъизабиялъул ишазда малъаризейин, лъазабуна Еврокомиссиялъул бетIер Жан-Клод Юнкерица.
Гьес гьединго лъазабуна, жив разияв гьечIин Цолъарал Штатазул президент Барак Обамал «Россия гIицIго регионалъе кIвар кIудияб улка» кколин абураб лъазабиялдайин.
Еврокомиссиялъул бетIерасул рагIабазда, Россиялъул адаб гьабизе ккола. Гьебго заманалда Юнкерица ахIулел руго Европаялъул армия гIуцIиялде жиндирго хазинаби цIунизе жал хIадурал рукIин Россиялда бихьизабиялъул мурадалда.