Россиялъул инсанасул ихтиярал цIунулей хIаракатчIужу, Москваялъул Хельсинкиялъул къукъаялъул бетIер Людмила Алексеева мустахIикълъана Вацлав Гьавелил цIаралда бугеб премиялъе.
Гьеб премия гьелъие кьуна итни къоялъ Страсбургалда рагьараб сессиялда Еврошураялъул Парламентияб Ассамблеялъул бетIер Анн Брассерица. Премиялъул гIарцул эквивалент бахунеб буго 60-азарго евроялде.