Ираналъул рухIияв лидер ГIали Хаменеица СагIудиязул ГIарабиялдаса тIалаб гьабулеб буго Ираналдаса 160 хIеж борхизе арав хвеялда хурхун тIаса лъугьин гьари.
Интернеталда бахъараб аятоллал лъазабиялда абулеб буго, гьеб трагедиялда хурхун исламияб дунялалъул Эр-Риялдалъе гIемер суалал ругин ва цогидазда гIайибал чIваялъул бакIалда, сагIудиязул нухмалъиялъ жиндаго гIайиб букIиналда мукIурлъун, хваразул гIага-божараздаса тIаса лъугьин гьаризе кколин.
СагIудиязул ГIарабиялъ нахъ чIвана жиндего гIунтIизабулеб гIайиб ва Тегераналда гIайиб чIвана гьелъ гIадамазул таргедия политикиял мурадазда хIалтIизабулеб бугин абун.