Россиялъулги, Сириялъулги, Ираналъулги рагъулаз Багъдадалда гIуцIун буго координациялъул центр. Гьелъул мурад рагIула «Исламияб пачалихъ» гIуцIиялде данде къеркьолел Ираналъ рахъ кколел шиитазул яргъид гIуцIарал къокъабазулгун координация гьаби. Гьелъул хIакъалъулъ лъазабулеб буго Fox News телеканалалъ.
Барак Обамал администрациялъ жиндирго ургъел загьир гьабуна, Москва Сириялда бугеб ахIвал-хIалалде гъорлъе лъугьунеб букIиналда бан, гьелдасан дестабилизациялъул эффект букIине бегьулинги абун.
Сириялда Москваялъ жиндирго рагъулазул къадар цIикIкIинабиялда хурхараб тема гьоркьоб лъезе ракIалда буго итни къоялда Росиялъул ва СШАялъул президентазда ООНалъул Генералияб Ассамблеялъул сессиялъул кулуаразда.