Швейцариялъул нухмалъиялъ такъсирияб иш рагьана Халкъазда гьоркьосеб футболалъул ассоциациялъул бетIер Йозеф Блаттерида хурхун. Гьесда щаклъи буго хъулухъалъул гIорхъабаздаса ворчIун ишал гьариялъул ва гIарац бикъиялъул.
Блаттерил гьикъа-бакъи гьабун буго Швейцариялъул полициялъ ва чIухь бан буго ФИФАялъул штаб-квартираялда. Гьесул кабинеталдаса документал ракIарун руго.
Рузман къоялда ФИФАялъ ахирисеб минуталда нахъе бахъун буго Блаттерилгун пресс-конференция.