Пачалихъалъе 330 млн. гъурщил зарал ккезабиялъул щаклъи бугев Дагъистаналъул кIудияв пачалихъияв хъулухъчи восун вуго аресталде гъоркье.
Афера гIуцIаравлъун рикIкIунев республикаялъул спорталъул министр хисулев лъутун вуго ва гьев валагьулев вуго низам цIунулез.
Россиялъул Жанисел ишазул министерлъиялъул пресс-хъулухъалъул лъазабиялда абулеб буго, гьел хъулухъчагIазда щаклъи бугин газ бикьулеб системаялда хурхун макру-хIилла гьабиялъулин.
Низам цIунулеб идараялъул версиялда рекъон, гьеб афераялда хурхен букIине бегьула Росреестралъул идараялъул хIалтIухъабазулги.
Аресталде гъоркье восарав чиясул цIарги хъулухъги Жанисел ишазул министерлъиялъул хъулухъалъ лъазабулеб гьечIо.
Гьеб макру-хIилла гьабурал чагIазе къануналда рекъон бихьизабизе бегьула туснахъалъул 10 сон.