МагъчIваялъе рес

Сириялда Россиялъул рагъулал цIикIкIунел рукIиналдаса ургъел ккун буго Магърибалъул


Сириялда Россиялъул рагъулал цIикIкIунел рукIиналдаса ургъел ккун буго Франциялъулги, Британиялъулги, НАТОялъулги.

Франциялъул улка цIуниялъул министр Жан-Ив Дрианица Москва ахIана Сириялда жиндирго рагъулазул контингент цIикIкIинабиялъул багьанаба баянлъизариялде.

Парижалда хамиз къоялда Британиялъул улка цIуниялъул министр Майкл Фэллонгун дандчIвалеб мехалда Ле Дрианица абуна, Россиялъул аслияб масъала Башар Асад цIуни батани, гьелъ гьедин лъазабизеги кколин.

Фэллоница лъазабуна, Россиялъул къуват Сириялда цIикIкIинабиялъ гьедингоги захIматаб ахIвал-хIал хIалуцинабулеб бугин.

НАТОялъул генералияв секретарь Йенс Столтенбергица лъазабуна, жиндирги ургъел ккезабулеб бугин Москваялъ гьарулел галабазин ва кIвар кIудияб жо кколин, гьениб гьелъие къваригIун бугеб жо бичIчIинейин.

Франциялъул, Британиялъул ва НАТОялъул политиказ гьединал лъазабиял гьаруна, сентяралдаги октябралдаги Ракьдагьоркьосеб ралъдал машрикъалъул рахъалда рагъулазул ругьунлъиял тIоритIизе ругин, абураб лъазаби гьабун хадуб.

XS
SM
MD
LG