Сириялъул Латакия шагьаралда аскIоб балеб рагъулаб базаялде кIиязаргоялде гIунтIун рагъулав щвезавизе план бугин Россиялъулин, хъвалеб буго Financial Times гезетаялъ.
Цебесеб къоялда The New York Times ва цогидал информалатаз, Пентагоналда базабун, хъвалеб букIана, Латакиялда Россиялъул аэропланазул къадар баханин 28-ялдейин. ГIодоркъояз гьенибе щвезабун букIанин 12 штурмовик ва 12 бомбардировщикин. Гьелда цебе гьениб букIанин Россиялъул ункъго Су-27 аэропланин. Гьел гьанжеги авиакьабиял щвезариялда гIахьаллъулел рагIуларо.
Итни къоялда Reuters агентлъиялъ лъазабуна, Россиялъул дронал роржунел ругин Сириялъул гьаваялъул гIатIилъиялдайин.