Венгриялдаса Австриялде жеги аза-азар мигрант вачIун вуго шамат къоялъ. Загребалъги Будапешталъги цоцаде гIайиб гьабулеб буго. Венгриялъул хIакимзабаз абулеб буго Хорватиялъул территориялда мигрантазул регистрация гьабулеб гьечIин, ва гьеб жидеца гьабулеб бугин, жиндир иргаялда Хорватиялъул тIадтараз абулеб буго жидер ресал гьечIин гьедегIан кIудияб къадаралда рачIунел гIадамазе кумек гьабизе. Венгриялде ва Словениялде рачIарал мигрантазул хиял буго Германиялде ва Шималияб Европаялъул улкабазде ине.