Коми Республикаялъул бетIер Вячеслав Гайзер ккун вуго бакIал такъсирал гьариялда щаклъи ккедал. Гьединго ккун руго гьесул кумекчи Алексей Чернов, бизнесмен Валерий Веселов. ГIаммаб къадаралда гIага-шагарго 19 чи ккун вуго. Гъозул рукъзабахъ чIухь балеб буго низам цIунулез.
Гьадин лъазабуна ТАСС-агентлъиялъ гIадлу-низам цIунулел хъулухъчагIазул баяналда мугъ чIвай гьабулаго. Цереккунисел лъазариялда рекъон гьалкъояз Гайзерица такъсирчагIазул къукъа гIуцIана пачалихъияб мал-мулк къануналде данде кколареб къагIидаялъ бахъи мурадалда.