Араб сордо-къоялда жаниб Хорватия буссана Африкаялдасаги ГIагараб Машрикъалдасаги лъутизе ккарал гIадамазул транзиталъул улкаялде. БагIараб ХъанчIалъул хIисабалда рекъон, 16 сентябралда гьелъул территориялдасахун Европаялъул цогидал пачалихъазде ун вуго 5400 чи.
Гьединаб хIакъикъаталъе гIиллалъун ккола Венгриялъ Сербиялъулгун гIорхъи къай. ГIагарисеб замалда Хорватиялъул гIорхъи бахине рагIула 4000 мигрантас.