15 сентябрялда Душанбеялда тIобитIараб ХIинкъи гьечIолъи цадахъ рекъон цIуниялъул къотIи-къаялъул улкабазул данделъиялда кIалъазе вахъарав Россиялъул президент Владимир Путиница абуна «Исламияб пачалихъалда» тIад бергьенлъи босизе рес гьечIин Сириялъул хIукуматгун хIалтIичIого.
Путиница абуна Москваялъ Башар Асадил низамалде рагъулаб кумек гьабулеб бугин ва гьабизеги бугин. Америкалъул рагъулал тIадтараз 14 сентябралда лъазабуна, шаклъи бугин Сириялъул Латакия шагьаралда аскIоб Россиялъ жиндирго гьавадул рагъулаб база балеб букIиналда.