МагъчIваялъе рес

СагIудиязул ГIарабиялда катастрофа ккана


СагIудиязул ГIарабиялъул нухмалъиялъ цIех-рехх байбихьун буго Аль-ХIарам абураб мажгиталде тIаде кран бортиялда хурхун. Гьелъул хIасилалда хвана нусгоялдасаги цIикIкIун хIеж борхизе арав, кIинусго гIанав чи лъукъунги вуго.

Катастрофа ккана рузман къоялъ маркIачIуда. Цоял хун руго жибго тIох бортулеб мехалда кескал щун, цогидал - гьениб багъарараб ахIи-хIуралъул ва гIадамал цоцаца мерхьиялъул хIассилалда.

Шамат къоялда СагIудиязул ГIарабиялъул пачалихъияв хъулухъчияс лъазабуна, кран бортиялъул гIиллалъун кканин къуватаб гьуриги чIваххун цIадгийин.

Гьал къоязда Маккаялда хIудурлъи унеб буго санайилаб хIежалде.

XS
SM
MD
LG