Гъабардагун Балкариялъул нухмалъиялъ лъазабуна, Кавказалде вачIанин Сириялдаса кIиазарго гIанав лъутизе ккарав ва гьез гьарулеб бугин чIезе бакIин.
Республикаялъул бетIерасул пресс-секретарь Юрий Коковас лъазабуна, лъутизе ккаразда гъорлъ аслияб къаг1идаялда ругин Сириялъул черкессалин.
Гьелда цебе Гражданияб жамгIият цебетIезабиялъул ва инсанасул ихтиярал цIуниялъул мажлисалъул гIахьалчи Максим Шевченкоца Россия аъ1ун бук1ана 50-азаргоялдаса 100-азаргоялде щвезегIан Сириялъул черкессав къабул гьариялде.
Аза-азар черкессал, убыхал, абхазал, абазинал лъутизе ккун рукIана жидерго ракьалги тун ГIагараб Машрикъалде 1884 соналдаса байбихьун 1884 соналде щвезегIан гIурус-турказул рагъда хадуб. Гьел аслияб кIагIидаялда гочана Сириялъул ракьазде.
Сириялда рагъ багъарилелда цебе гьениб гIумру гьабун букIана 80 азарго гIанав этникияв черкессас.