Оппозиция рищиязде гIахьаллъиялъул ресал рагьи, рагъ чIезаби, цензура нахъе бахъи, политикиял туснахъал эркен гьари ва коррупциялда данде къеркьей тIалаб гьабураб марш Бульваралъул горалда ва митинг Сахаровасул майданалда гьукъун буго Москваялъул мэриялъ оппозицияв политик Алексей Навальныясул рахъ ккуразе.
Гьелъул бакIалда шагьаралъул бутIруз гIицIго митингалъе бакI хIисабалда бихьизабун буго Москваялъул рагIалъуда бугеб Марьино.
Гьелъул хIакъалъулъ ТАСС агентлъиялъе лъазабун буго ХIинкъигьечIолъиялъул регионалияб департаменталъул бетIер Алексей Майоровас.
Централдаса Москваялъул рагIалде гьеб тадбир бахъи хурхараб бугин 20 сентябралда централда халкъаздагьоркьосеб марафон тIобитIизе букIиналдайин, лъазабун буго гьес.