Россиялъул КъватIисел ишазул министерлъи мукIурлъун буго, Россиялъул рагъулал экспертал Сириялда рукIиналъе. Гьелъул хIакъалъулъ лъазабуна гьеб идараялъул официалияй вакил Мария Захаровалъ.
Гьелъулго рагIабазда, Россиялъул рагъулаз гьениб кумек гьабулеб буго сириялъулазе рагъулаб техникаялдаса ва ярагъалдаса пайда босизе.
Гьелъго лъазабуна Цолъарал Штатаз Грециялда ва Болгариялда Россиялъул транспорталъул авиациялъе гьезул гьаваялъул гIатIилъиялдасахун нух кьезе инкар гьабиялде ахIи кколин "халкъазда гьоркьосеб ракIхъублъиян".