Тажикистаналъул улка цIуниялъул министерлъиялъул кIиго офицер ккун вуго. Щакъли буго – подполковник МустIапа Назаровас ва майор Насим Юсуфовас генерал ГIабдулхIалим Назарзодее квербакъи гьабун букIиналда.
Гьев Назарзоде гIайибиявлъун рикIкIунев вуго Душанбеялда ва ВахIдаталда милициялъулазде гьарурал гьужумал хIадур гьариялда. Официалиял баяназда рекъон гьалкъоязда ичIго милиционер чIван вуго.
Тажикистаналъул жанисел ишазул министерлъиялъ лъазабуна хасаб операциялъул хIасилалда яргъид гIуцIаразул 13 чи чIван ва 32 чи ккун вугин. ГIемераб къадаралда батун бугин ярагъ-матахI. Назарзоды вала-гъалагьиялъул иш халат бахъунеб буго.