Америкалъул ХъахIаб Рукъалъ лъазабуна жидеца кIвар кьун, хал щал гьабулеб бугин Россиялъ Сириялда тIоритIулел рагъулал операциязухъ ва цебеккунго лъазабуна гьезул хIасил заралаблъун букIине рес бугин.
Гьадин забуна ХъахIаб Рукъалъул пресс-секретарь Джош Эрнестица. Гьесул рагIабазда рекъон Башар Асадил низамалъе гьабулеб щинаб квербакъиялъ рахIат хвезабулеб бугин, аммаила, тIаде жубана гьес, Исламияб пачалихъалде данде рагъ бачунеб халкъаздагьоркьосеб коалициялде гъорлъе Россиялъ жубани лъикI букIинаанин.
Жиндир иргаялда Кремлалъ лъазабуна гьабинаб хиял жиндир гьечIин. Хасго гьадин абуна Владивостокалда тIобитIулеб форумалда Россиялъул президент Владимир Путиница. Цого мехалъ Москваялъ нахъ чIвалеб гьечIо жидеца Сириялъе рагъулаб кумек гьабиялъул хIужа.