Украиналъул президент Петр Порошенкоца дунялалъул киналго эркенал халкъазде ахIи бана, нужеца цолъун, Россиялъул агрессиялде данде кколеб жаваб кьеян гьарун. Петр Порошенкоца абуна, гьеб агрессиялъ гIицIго Украиналъе гуребги – тIолго дунялалъе хIинкъи кьолеб бугин. Россия санкцияздалъун гIодобе биччазе рес гьечIин, гьелде данде жеги кьварарал ишал гьаризе кколин, абуна Украиналъул президентас.