БакIал такъсиразул Бакуялъул диваналъ журналист Хадижа ИсмагIилова анкьго бащадгун соналъ жание тIамизе хIукму гьабуна талат къоялъ. Гьелъ коррупциялъул хIакъалъулъ гIемерал макъалаби хъвана. Диваналъ гьелда чIвана магъало кьунгутIиялъул ва пачалихъияб бюджеталъе зарал гьабиялъул гIайиб.
Журналистал цIунулеб халкъаздагьоркьосеб комитеталъ гьеб диваналъул къотIи какун, Азербайжаналъул тIалъиялде ахIи бана махIкамаялъул хIукму аппеляциялдалъун нахъе бахъиялде. Гьеб букIанин фарс, ян лъазабуна рехсараб комитеталъул вакил Нина Огняновалъ. Загьирабураб лъазабиялда абун буго Азербайжан бугин бищун кьварараб цензура бугеб анцIго улкаялъул сияхIалда. Гьенив жеги анкьго журналист жанив тIамун вугин.