Украиналъул хIинкъи гьечIолъи цIунулеб хасаб хъулухъалъ жиндир улкаялде нух къан бауго Россиялъул кинорежиссер Никита Михалковасе ва гьесдаго цадахъ жеги 15 россиялъул гражданазе. Гьел ккола телевизиониял программаби рачунев Михаил Хазин, публицист Егор Холмогоров, хъвадарухъан Владимир Кучеренко, кочIохъаби Олег Газманов, Григорий Лепс, Иосиф Кобзон, Николай Расторгуев, Валерия ва гьесул рос продюсер Иосиф Пригожин, актерал Михаил Боярский, Сергей Безруков, Михаил Пореченков, Иван Охлобыстин ва Жерар Депардье. Украиналъул низам цIунулез абулеб буго рехсарал россиялъулал персона-нон граталъун лъазарун ругин гьез Украиналде данде пропаганда тIибитIизабун букIиналъухъ.