Шамат къоялда Читаялда тIобитIана митинг. Гьелъул гIахьалчагIаз халкъалъул разигьечIолъи загьир гьабуна Китаялъул компаниялъухъе ракьазул 115 гектар ижараялъ кьолеб букIиналда.
Акциялъул гIахьалчагIаз лъазабуна, жал божуларин бакIалъулал нухмалъулезул цадахъаб предприятиялда китаялъул хIалтIухъабазул 25 процент гурони букIине гьечIин, абурал рагIабаздайин.
ЖамгIиял хIаракатчагIаз кIвар буссинабуна Россиялда къватIисел улкабазул хIалтIул сурсатазда хурхун низам чIезабиялъул механизмал гьечIолъиялде.
Лъазабиязда рекъон, акциялда гIахьаллъун вуго 150 гIанав чи. Гьезухъ рукIун руго игIланалги ахIиялги.
Июналда Китаялъул компаниялъги Забайкальеялъул хIукматалъги гъулбасун рагIула гьаризе ракIалда ругел галабазул протокол. Гьелда рекъон Китаялъул рахъалъухъе 49 соналъе ижаялъе кьезе ракIалда рагIула Агинскалъул Бурятиялъул округалъул чанго мухъалъул 115 гектар.