Украиналъ Россиялда хурхун гIарза битIана Европаялъул инсанасул ихтиярал цIунулеб диванде Украиналъул режиссер Олег Сенцовасе ва Крымалъул активист Александр Кольченкое туснахъалъул тамихI къотIиялда бан.
Украиналъул юстициялъул министр Павел Петренкол рагIабазда, Европаялъул диваналде битIараб документалда гьединго кIвар буссинабулеб буго Россиялда ккун ругел гIемер украиналъулазул ихтиярал хвезарулел рукIиналдеги.
Крымалда терактал хIадуриялъул ва террористияб гIуцIи гьабиялъул гIайибалги гIунтIизарун, Ростовалда бугеб Шималияб Кавказалъул диваналъ Сенцовасе бихьиазбуна туснахъалъул 20 сон, Кольченкое - I0 сон. Ахирисел гьединал гIайибазе мукIурлъичIо.