Левада-централъ гьабураб гьикъа-бакъиялъ бихьизабулеб буго, россиялъулазул бащдалдаса цIикIкIун къадаралъе, ай, халкъалъул 51 проценталъе, Пачалихъияб Думаялъул хIалтIи ракIалъе гIолеб гьечIеблъи.
ГIагсаб пикру загьир гьабун буго гьикъа-бакъаразул 47 проценталъ.
ХутIараз жидерго пикру загьир гьабичIого тун буго.
Гьелда цебе лъазабулеб букIана гьединго гьебго Левада-централъ баянлъизабухъе, Россиялъул президент Владимир Путинил хIаракатчилъиялъе лъикIаб къимат кьолезул къадар дагьалъ дагьлъун букIиналъул хIакъалъулъ.
Жакъа гьединазул къадар кколеб рагIула гьикъа-бакъаразул 83 процент. Цебесеб цIех-рехалъ бихьизабун букIана 89 гIанаб процент.