Китаялъул фондазул базаралда загьирлъарал проблемазул хIакъалъулъ информация лъарабго Нью-Йоркалъул фондазул биржаялда итни къоялда I000 пункталъ гIодобе ккун буго Dow Jones-ил индекс.
Гьелда цебе Reuters агентлъиялъ лъазабун букIана, Китаялъул фондазул базаралда проблемаби раккиялъе гIоло Европаялъул фондазул базаразе ккараб 400 миллиард долларалъул заралъул хIакъалъулъ.
Хехаб къагIидаялда гъурщил къимат холеб букIиналъе гIоло Москваялъул валюта хисулел пунктазда баянлъи гьечIо. Итни къоялда долларалъул курс бахун букIана 71 гъурщиде, евроялъул – 81 гъурщиде.