Азербажаналда прокурорас туснахъалъул ичIго сон тIалаб гьабуна Эркенлъи Радиоялъул азербажан хъулухъалъул журналист ИсмагIилова Хадиджае 21 августалда. ТIадегIанал хъулухъчагIазул коррупциялъул гIемер хъвалей йикIарай 39 сон барай ИсмагIиловалда гIунтIизарулел руго экономикияб хасият бугел гIайибал. Гьелъ гьел киналго гIайибал политикиял кьучI бугелин абун нахъчIвалел руго. Хадиджал эбел Эльмираца Экренлъи радиоялъе бицана жиндир ясалъ киданиги къануналде данде кколареб жоги гьабичIин киданиги гьересиги бицинчIин. Хадиджа жаний тIами тIатIалаго какулеб буго Магърибалъул инсанасул ихтиярал цIунулезул къукъабаз. Гьез рикIкIунеб буго Хадиджада тIад диваналъул процесс гьабулеб бугин гьелъул хъулухъчагIи къватIир чIвазарурал макъалабазухъ къисас босизелъунин. ИсмагIилова жаний тIамуралдаса буго микьго моцI.