Доналда бугеб Ростовалда жакъа рагIалде рахъунел руго МахIачхалаялъул вукIарав мэр СагIид Амировасул ишалда сверун тIасанкIалъаял (прения). Дагъистаналъул Пенсиязул фондалъул нухмалъулев С. МуртазгIалиев рекIараб аэроплан кьвагьизабизе къачIалев вукIанин абун гьесие гьанжеялде кьун буго туснахъалъул анцIго сон. Гьанже гьесда гIунтIизабулеб буго Россиялъул цIех-рехалъул комитеталъул хIалтIухъан А.ХIажибеков чIвай гIуцIиялъул гIайиб. АрбагI къоялъ диванчияс журналистазе изну кьун буго Амировгун интервью гьабизе, амма гьесул хъаравулас тун гьечIо, гьес абухъе «УВД-ялъул» министрас кьураб изну букIине кколинги абун. Гьедин бицана диванханаялъул данделъиялда йигей журналисталъ.
Диванханаялъ Амировасе хIукму къотIулеб данделъи кида букIине бугебали жеги лъазабун гьечIо.