НАТОялъ Европаялда тIоритIулел руго «цIорораб рагъ» лъугIаралдаса нахъе бищунго кIудиял рагъулал ругьунлъиял. Гьезда гIахьаллъулел руго НАТОялде гьоркьобе унеб 11 улкаялдаса гьавадул аскаразул 5000 рагъухъан. Гьел унел руго Алманиялъул, Италиялъул, Болгариялъул ва Румыниялъул территориязда ва халат рахъине руго 13 сентябралде щвезегIан. Америкаялъул улка цIуниялъул министерлъиялда лъазабулеб буго гьел ругьунлъиязул мурад бугин-«альянсалъул аскаразда цо параялда жаниб Европаялда хIинкъигьечIолъи чIезабизе кIолеб букIин бихьизабиян». НАТОялъул ругьунлъиял байбихьиялъул ва Украиналда ахIвал-хIал хIалуциналъул цоцалъ бухьен бугебищали альянсалъул чагIаз рехсечIо.