Туркиялъул рагъулаб авиациялъ кьаби щвезабун буго ГIиракъалъул территориялда ругел Курдазул захIматалъул партиялъул яргъид гIуцIараб къокъабазул позициязда. Цадахъго кьаби щвезабун буго Туркиялъул территориялдаса артиллериялъги.
Цадахъго Туркиялъул рагъул къватаз Сириялъул шималияб рахъалда тIобитIулеб буго рагъулаб операцияги. Гьеб гьабулеб буго «Исламияб пачалихъ» гуцIиялдеги, Туркиялъ терроористияб гIуцIилъун рикIкIунеб Курдазул захIматалъул партиялъул къуватаздеги данде.
Туркиялъул полициялъ улкаялда жанибги тIобитIулеб буго антитеррористияб операция. Ккун вуго «Исламияб пачалихъ» гIуцIиялде ва Курдазул захIматалъул партиялде хурхен букIиналъул щаклъи бугев 300 гIанав чи.
Туркиялъул рагъулазул хIаракатчил загьирлъина 23 июлалда Сириялъулгун гIорхъода бугеб блок-посталде тIадекIанцIи гьабун хадуб.