2015 сон байбихьаралдаса Россиялъул полициялъул бутIабазда ва заманалъулаб цIех-рехалъул туснахъазда 125 чи гIумруялдаса ватIалъана, ян лъазабуна «Медиазона» абулеб инсанасул ихтиярал цIуниялъул сайталъ.
Аслияб къагIидаялъ полициялъулаз гьадинал хIужаби ккеялъе гIиллалъун лъазабулеб буго рекIел унти ва хIал-хIукму ракIалдаго гьечIого квешлъун букIин. Ялъуни ккурал гIадамаз жалго жидецаго чIван ругин, абула гьез. Амма инсанасул ихтиярал цIунулел гьелда божуларо.
Щайин абуни гьезда кIвана ратизе полициялъулаз туснахъалде тIамурав кIиго чи чIваялъе далилал. Гьеб хIалтIи жидеца халат бахъигне буго, ян лъазабуна «ГIурусазул эбола» абулеб проекталъул автор Мария Березиница.