Молдовалда тIоритIулеб буго бакIалъулал нухмалъиязде рищиязул кIиабилеб тур.
Экспертаз абулеб буго, гьел рищиял улкаялъе кколин евроинтеграциялда бугеб хиялалъул даража бихьизабулеб тестин.
14 июналда тIобитIараб рищиязул тIоцебесеб тур Европаялдехун балагьарал партиязе бергьенлъи щун букIана 348 шагьаралда ва росулъ. Россиялдехун балагьарал партиязе икъбал щун букIана гIицIго 56 шагьаралдаги росулъги.
Гьаркьал кьолел руго тIоцебесеб туралда гьаркьазул 50 процент кандидатазе щвечеб 458 бакIалда.
Кишиневалда мэрасул хъулухъ щвеялъухъ къеркьолев вуго гьанже шагьаралъул нухмалъиялда вугев либерал Дорин Киртоакэ ва Россиялдеххун балагьараб социалистазул партиялдаса Зинаида Гречаный.