МагъчIваялъе рес

Семендералъул мажгиталдаса гIадамал ккуна полициялъ


ЭР-ялъухъе щварал баяназда рекъон, 17 марталда МахIачхъалаялда аскIоб бугеб Семендералъул мажгиталдаса полициялде вачун ун вуго анцIидаса цIикIкIун чи, кватIичIого нахъеги риччан руго.

Гьединал хIужаби гIемерлъун ругин ахирал моцIаздайин бицана ЭР-лъе Семендералда гIумру гьабулев МухIамад ХIажиевас.

МухIамад ХIажиев: «Семендералда буго лъабтIалаяб мажгит. Щибниги квалквал гьечIого какалги рала, гьенир рукIуна суфиялги салафиялин абулел чагIиги. Амма гьанже цIар ун буго гьебдила салафиязул мажгит бугилан. Гьедин щибаб рузман-къоялъ рачIун низам цIунулез ккола доба лъел мухъда лъураб кьо. ЧIезабун автобусги букIуна гьениб. Щивав чи вачуна гьениве жаниве, цинги уна Кировский мухъалъул полициялде. КъасилъизегIан гьенир ккола гьез гIадамал. Килщазул расенал рахъула, сияхIалда лъола. ГIолохъабазул разилъигьечIолъиги букIуна. Гьедин гьезда рихунебги буго гьеб къагIида».

Гьединго буго баян I7 марталда МахIачхъалаялда Мурад Хириясулаев абурав гIолохъанчи вачун анилан абурабги. Кафеялда гьудулзабигун цадахъ кваналев вукIарав гьев вачун анин Газелалда рекIарав анкьго-микьго чияс.

XS
SM
MD
LG