СССРалъул вукIарав президент Михаил Горбачевас абулеб буго Украиналъул кризис сабаблъун Россиялда ва Магърибалъул улкабазда гьоркьоб бугеб хIалуциналъ кIудияб конфликталде рачине рес бугин.
«Гьединаб хIалуциналъ чара гьечIо атомияб рагъде рачине рес буго»,-ян абун буго 1990 соналда Нобелил ракълилаб премия кьурав Горбачевас Алманиялъул Der Spiegelалъе.
Россиялъул ва Магърибалъул гьоркьорлъаби хвезе байбихьана 2014 соналда Россиялъул рахъ ккурал сепаратистаз Украиналъул машрикъалъул рахъ контролалде гъоркье босараб ва Россиялъ Крымалъе аннексия гьабураб мехалда.
Магърибалъ Россиялда гьабулеб буго сепаратистазе кумекалъе аскарал ва ярагъ битIиялъул гIайиб. Россиялъ гьел гIайибал нахъчIвалел руго.