Туркиялъул президент Ражаб Эрдогъаница рикIкIунеб буго жиндир оппонентазде данде гьабулеб диванханаялъул процесс къануналъул гIурхъабалъ гьабулеб бугин. Гьес гьедин абуна шамат къоялда Стамбулалда ва тIадеги жубана гьеб процессалда хабуд жинца кIвар кьун хал кколеб бугин.
Гьебго къоялъ дагьаб цебе Стамбулалъул диваналъ ордер кьун букIана Америкаялда гIумру гьабун вугев оппозиционер Феталлах Гюлен жанив тIамизе. Гьесда Эрдогъаница гIунтIизабулеб буго «нухмалъиялъул параллелиял структураби» гIуцIиялъул гIайиб.
Араб анкьалъул ахиралда Туркиялда ккун вукIана Гюленил рахъ кколезул 30 чи, гьезда гьоркьор руго- журналистал, сценаристал ва полициялъул хIалтIухъаби. Евроцолъиялъ какулел руго Туркиялъул нухмалъиялъул гьел галаби.