Британиялъул премьер-министр Дэвид Кэмероница парламенталда гьарулеб буго "Исламияб пачалихъ" гIуцIиялде данде къеркьеялъул хIукму тасдикъ гьаби.
Парламентариязда цеве вахъунаго, гьеб лъазабуна, гьеб гIуцIи тIагIинабиялъе «сонал къваригIине ругин».
Британиялъул батIи-батIиял партияз лъазабуна, жидеца рахъ кколеб бугин "Исламияб пачалихъалда" кьабиял щвезариялда хурхараб премьерасул хIукмуялъулин. Гьеб гIуцIиялде данде пикру британиялъулазул щулалъизабуна радикалиял исламистаз Америкаялъул кIиго ва Британиялъул цо гражданав чIваялъги.
Британиялъулазул гьединго ургъел ккезабун буго ГIиракъалъул шималияб рахъалда исламистазул гIуцIиялда гъорлъ вагъизе Британиялдаса 500 чи ун вугин абураб лъазабиялъги. Гьел хIинкъун руго жидерго гражданал нахъе руссараб мехалда, гьез улкаялда терактал гьаризе бегьулин абун.