ЮКОСалъул экс-бетIер Михаил Ходорковскияс цIидаса чIаголъизабураб «Открытая Россия» абураб проекталъул гIорхъабазда Гъоркьияб Новгород шагьаралда форум тIобитIулеб минаялде тIадекIанцIун руго жал щалали лъаларел.
«Открытая Россиялъул» студиялде «ВатIаналъе хияналъи гьабуразе рогьобин» ахIулаго жаниве вачIун вуго лъеберго гIанав чи.
Гьелъул хIакъалъулъ лъазабуна Пачалихъияб Думаялъул депутат Дмитрий Гудковас.
Гьесулго пикруялда, гьел кколел руго «Национально-освободительное движение» абураб национал-патриотазул гIуцIиялъул активистал.