НАТО-ялъул генералияв секретарь Андерс Фог Расмуссеница лъазабуна гьеб альянсалде унел улкабазул лидерал разилъанин Россиялъул хIинкъабазде данде хехал тIадкъаял тIуралел къуватал гIуцIиялъул пикруялдайин. Гьес гьединго абуна НАТО гIатIид гьабиялъул суалазе вето лъезе рес гьечIин гьелде гъорлъе унареб цоги цониги улкаялъейин.
Расмуссеница гьедин абуна Британиялъул Уэльсалда НАТОялъул саммиталда. Гьелъул аслияб темалъун букIана Украиналъул шималияб рахъалда бугеб ахIвал-хIал.