МагъчIваялъе рес

«КIиго анкьалда жаниб Киев босиялда» сверун президент Путинил рагIабазда хурхун скандал


Россиялъул президент Владимир Путин

«КIиго къоялда жаниб Киев босиялда» сверун президент Владимир Путинил рагIаби каламалда гьоркьоса батIа росарал ва батIияб магIнаялда абурал рукIанин лъазабулеб буго Кремлалъ.

Журналистазе гьединаб баян кьуна Россиялъул президентасул гIакълучи

Юрий Ушаковас, амма гьес бичIчIизабичIо кинаб магIнаялда абурал рагIаби гьел рукIаралали.

Путинил гьел рагIабазул тIоцебе лъазабуна Италиялъул «Република» газетаялъ. Гьелда хъвалеб букIана 30 августалда Европаялъул Шураялъул данделъиялда Еврокомиссиялъул президент Жозе Мануэль Баррозуца абунин жив Путингун кIалъалев вукIанин ва гьес жинда абунин бокьани кIиго анкьалда жаниб жинда Киев босизе кIолин.

Дагьаб кватIун гьебго баян уяблъун гьабуна Германиялъул «Шпигель Онлайналъги» Баррозул калам рагIарав цо пуланав дипломатасда мугъчIвайги гьабулаго.

Кремлалъ жеги кIвар буссинабулеб буго Еврокомиссиялъул бетIерас хIакъикъаталдаги Россиялъул президентас жиндаго абураб Еврошураялда бицун батани, гьеб дипломатиялъул гIурхъаби хвезари букIиналде. Гьедин лъазабулеб буго «Интерфаксалъ».

XS
SM
MD
LG