Ираналъ байбихьана жиндирго ядерияб программаялъул баянлъиялда хурхараб къотIи-къай тIубазабизе. Гьелъул хIакъалъулъ Халкъазда гьоркьосеб атомияб энергиялъул агентлъиялъул бетIер Юкия Аманода базабун, лъазабуна Reuters агентлъиялъ.
«ТIоцебесеб щуго гали тIубазабизе байбизхьана. Дир хьул буго хадусеб анкьалда тIадеги прогресс загьирлъизе букIиналъул», ян лъазабуна Аманоца.
I7 августалда Амано щвана Тегераналде улкаялъул президент ХIасан РоухIанилгун ва къватIисел ишазул министр Джавад Зарифильгун кIалъа-басаял тIоритIиялъул мурадалда.