Украиналъул нухмалъиялъ жидерго территориялде биччазе гьечIо Россиялдаса гуманитарияб кумекгун бачIунеб конвой. Гьедин лъазабуна Украиналъул улка цIуниялъул ва миллияб хIинкъигьечIолъиялъул Шураялъул вакил Андрей Лысенкоца.
Гьесул рагIабазда рекъон, Украиналъул гIурхъи бахине буго Россиялдаса бачIунеб юкалъ Халкъаздагьоркьосеб БагIараб Хъанчалъул комитеталъул сетрификат щун хадуб.
Гьединго лъазабулеб буго гьеб юк БагIараб Хъанчалъул автомашинабаздаги лъун босизе бугин гъорхъодасанин ва гьелда цадахъ Россиялъул жанисел ишазул министерлъиялъул хIалтIухъаби тезе гьечIин.
Талат къоялъул радал Москваялда гъоркьехун бугеб Наро-Фоминск абулеб бакIалдаса гуманитарияб кумекалъул къайи тIад бугеб автомашиназул колоннаялъ нух босун буго Луганскалде. Гьенир гIадамал кIиабилеб анкьалъ хутIулел руго канлъиги лъимги гьечIого. Гьенир рагъал унел рукIиналъ хIалтIулел гьечIо тукаби, дараби ричулел бакIал ва гьечIо гьениб телефоналъул бухьен.