МагъчIваялъе рес

Иран хIадураб буго ГIиракъалде данде Вашингтонгун цолъизе


Ираналъул президент ХIасан Роухани Анкараялда 10 июнь, 2014
Ираналъул президент ХIасан Роуханица лъазабуна Тегеран хIадураб бугин ГIиракъалда хIинкъигьечIолъи чIезабизелъун Вашингтонгун цадахъ-рекъон хIалтIизейин, гьебги Америкаялъ ГIиракъалда ругел суннитазул экстремистазде данде тадбирал тIоритIулел ругониян.
Шамат къоялъ Тегераналда кьураб пресс-конференциялда Роуханица абуна террористиял къукъабазе нилъеца дандечIей ишаздалъун ва рагIабаздалъунин гьабизе кколин.
ГIиракъалда ахирал къоязда кIудиял территориял жидерго контролалде гъоркье росун руго «ГIиракъалда ва Леванталда исламияб пачалихъ» абулеб къукъаялъ. Мосул ва Тикрит шагьаралги росун гьел унел руго Багъдадалдехун.
Америкалъул президент Барак Обамаца лъазабун букIана ГIиракъалде Америкаялъ аскарал ритIизе гьечIин, амма Багъдадалъе кумек гьабизе цоги батIи-батIиял ресал ралагьизе ругин.
XS
SM
MD
LG