11 маялда тΙолабго халкъ гΙахьаллъарал рищиязда цебе Пакистаналда халат рахъунел руго дупутатазул кандидатазде тΙадекΙанцΙиял.
Эркенлъи радиоялъул пакистаналъул хъулухъалъул журналистазда улкаялъул хΙинкъигьечΙолъиялъул хъулухъалъул вакилас лъазабухъе, рузман къоялда Мираншах шагьаралда ункъго кандидатасул рищиязул штабалда аскΙоб гьабураб кьвагьиялъул хΙасилалда хун вуго бищун дагь босун лъабго чи.
Цойги теракт гьабун буго Кветта шагьаралда Халкъияб партиялъул офиссалда аскΙоб. Зарал ккун буго щуго чиясе.
Хамис къоялъ Мултан шагьаралда рищияздацебесеб митингалдаса викъарав, Халкъияб партиялдаса кандидат ГΙали ХΙайдар Гиланил къисмат гьанжеги лъалеб гьечΙо. Гьев кколев вуго экс-премьер Юсуф Раза Гиланил вас.
Халкъияб партиялъе ва гьелъул аслиял партнеразе чанго нухалъ хΙинкъиял кьун рукΙун руго талибаз. Ахирисеб моцΙалда Пакистаналда рищияздацересел тадбиразда хурхун гьарурал тΙадекΙанцΙиязул къурбанлъун вахъун вуго ΙΙ0-ялдаса цΙикΙкΙун чи.
Эркенлъи радиоялъул пакистаналъул хъулухъалъул журналистазда улкаялъул хΙинкъигьечΙолъиялъул хъулухъалъул вакилас лъазабухъе, рузман къоялда Мираншах шагьаралда ункъго кандидатасул рищиязул штабалда аскΙоб гьабураб кьвагьиялъул хΙасилалда хун вуго бищун дагь босун лъабго чи.
Цойги теракт гьабун буго Кветта шагьаралда Халкъияб партиялъул офиссалда аскΙоб. Зарал ккун буго щуго чиясе.
Хамис къоялъ Мултан шагьаралда рищияздацебесеб митингалдаса викъарав, Халкъияб партиялдаса кандидат ГΙали ХΙайдар Гиланил къисмат гьанжеги лъалеб гьечΙо. Гьев кколев вуго экс-премьер Юсуф Раза Гиланил вас.
Халкъияб партиялъе ва гьелъул аслиял партнеразе чанго нухалъ хΙинкъиял кьун рукΙун руго талибаз. Ахирисеб моцΙалда Пакистаналда рищияздацересел тадбиразда хурхун гьарурал тΙадекΙанцΙиязул къурбанлъун вахъун вуго ΙΙ0-ялдаса цΙикΙкΙун чи.